1 Maitapyao Goteme
Apotakame minao makande piyapya. Goteme "Apotakame" leamopa
Apotakameme "Namba ae kalyo dake" leapya.
2 Dokopa Goteme lao pitu,
"Embanya ikiningi mendai iki Isaka, embanya auu kaenge doko, lanyo Moria
yuu dokonya pupi. Pupala manda mende laitaka pitopa, dokonya baa pyao kundi
diu, itata tao mulyina, yangape" leapya.
3 Oo yongama wamba,
Apotakame sakatatala, baanya mena donki dokonya oapi mandisakamaipya. Dopa
petala baanya kendamane lapoma-pipa Isakapi lanyia. Dokopa pyao kundi
yangapenge ita waiyapya. Dokopa nyakama Goteme yuu mendenya pena leyamo dokonya
peamipya. 4 Pao yuu gii tepo dokonya baame kandapyaka leyamopo yuu
manda mende leyamo doko siyamopa kandeyapya. 5 Kandatala baanya kendamane
dolapo lamaiyu pitu, "Wane kole dakepa nalimba domosa loma sala
pelyambanona, de nalimba ae pilyambana, nyalabo donki dakepa dasa kalyapape,"
leapya.
6 Apotakame ita waiyapae
dupa nyepala Isakanya latayanya setekamayapya. Baame wua-kemapi ita kaiyapapi
nyoo minao kaita peyambipya. 7 Isakame "Apane," leyamopa,
Apotakameme lao pitu, "Wane lapoko," leapya. Isakame lao pitu,
"Ita kaiyapaepi, ita waiyapaepi dupa salambano lamo doko, mena sipisipi
yakane kundi maiyu yangapenge doko anja kalyape?" leapya.
8 Apotakameme yano
pyakamayo pitu, "Nambanya wane, Goteme mena sipisipi yakane kundi-maiyu
yangepenge doko diyapomona," leapya. Dopa leamopa nyalambo kaita
peyambipya.
9 Goteme yuu mendenya pena
leamo dokonya pao pyakameambi, pyakamatala Apotakameme kundi-maiyo yangapenge
toko doko pyetala, ita waiyapae ketae seteapya. Setapala wane Isaka doko nyoo
yaki pyetala kundi-maiyo yangapenge toko ketae dokonya seteapya. 10
Dopa pyetala, Apotakameme wane doko pyalanya wua-kema doko nyia, 11
nyepeamopa Kamongonya angalo dokome kaiti-kisa katao wii lao pitu,
"Apotakame, Apotakame," leapya. Dopa leamopa baame pii yano pyakamayo
pitu, "Namba dae kalyo dake," leapya. 12 Dokopa angalo
dokome lao pitu, "Wane kole doko koeyasala naenya kaeya," leapya.
"Nambame indupa emba kandelyona, embame Gote paka kaeyapala, embanya wane
mendai iki doko namba nandito lao yakinatala kaeyala naeyalene lamona,"
leapya.
13 Apotakame baa kandapyaka
lateyamopa ita muu balo mendenya mena sipisipi maipa mende nengenya pyalya
minatae kateyamo kandea. Kandatala mena sipisipi maipa doko pao nyia, nyepala
dokopa pyao tao mulyina yangeapya. Baanya ikiningi pyao yangalanya pia doko kaeyapala
mena sipisipi maipa doko alopyo yangeapya. 14 Dokopa kundi-maiyu
pyao yangeamo yuu doko, "Kamongome ditana," leapya. Indupa apoto yuu
manda dokonya "Kamongo tangeme ditana" lengema.
15 Dee paa lapo pyoo
Kamongonya angalo dokome kaitinya katao, 16 "Nambame muli mau
latala dapa lelyo, ongo embanya wane mendai iki doko yakinala naeyalene lamo. 17
Dokonya nambame, emba minao au pisotono," leapya. "Embanya wane longo
pyoo paliuu patamo dupa kaitinya buipi kapa pata, endaki lembanya keapi kapa
pata. Emba tata palita dupame nyakamanya yandapipi dupa pyao ita minatala dupanya
taona dupa nyakama nyatami. 18 Embanya mandipaenya mandiae mendeme
akali tata dupa pitaka minao au piseta," leapya. Embame nambanya pii
lapuli pipi lamo tenge dokonya dopa pituna leapya.
19 Apotakame ikiningipa,
kendamane dolap kateyambi dokonya pilyiambipya, pilyatala Besipa yuu dokonya
peyami, pupala Apotakame baa yuu dokonya nao kateapya.
